Littpod

Av Olav H. Hauge. Lyrikksalong markerer tre-årsjubileum (og Samlagets 150-årsjubileum!) ved å vie kvelden til ei av dei mest framståande norske diktsamlingane i nyare tid: Olav H. Hauges Dropar i austavind (1966). Samlinga rommar mange av Hauges mest kjende dikt og er karakterisert av eit minimalistisk formspråk med klare parallellar til haiku-diktinga. Dette er ei diktsamling som både famnar breitt og loddar djupt: Frå Ulvik til Kina. Frå Leiv Eiriksson til Ofelia. Frå fjellvinden og rullesteinen til katta og den draumen me ber på. Foredrag og samtale med Anemari Neple, litteraturvitar, forfattar og journalist Jan Inge Sørbø og Fredrik Hagen. Opplesing ved Åsne Hagen. Lyrikksalong er støtta av Fritt Ord og Litteraturhuset. Arrangementet er støtta av Samlaget.